O modelo de permutas que puxo en marcha o Concello de Friol segue a espertar interese en diversos puntos de Galicia. Aínda que se trata dunha medida prevista na Lei de Reestruturación do Solo Agrario de Galicia, o alcalde, José Ángel Santos, fixo desta iniciativa unha das cuestións pendentes do pasado mandato. Concellos de varias provincias —algúns, como Guitiriz, limítrofe con Friol— interesáronse por este modelo co fin de que os propietarios das explotacións poidan agrupar as súas terras de acordo con outros propietarios interesados na fórmula.
